食譜 - 薑味維他奶燉蛋 (大夫小廚)

-




食譜 - 薑味維他奶燉蛋 (大夫小廚)

材料：
薑味維他奶250ml
蛋兩隻
糖兩茶匙

做法：

1.兩隻蛋打入碗中，加入維他奶及白砂糖不斷攪拌至完全混和，再過篩至蛋液幼滑狀態，倒入小型器具蓋上保鮮紙，煲滾水後中大火蒸約10分，再焗多5分鐘完成

留言

張貼留言

這個網誌中的熱門文章

香蒜橄欖油蟹膏醬意大利粉 (大夫小廚)

-
圖片
材料： 韓國蟹膏醬 (任何牌子) 橄欖油浸生蒜蓉 (自製) 意大利粉 調味料： 鹽 黑胡椒粉 香草碎 油浸鯷魚兩小條 (可省略) 做法： 1. 煲滾水，加入少量鹽同橄欖油煮熟意粉，瀝乾備用 2. 將適量橄欖油浸生蒜蓉細火煎出蒜香，同時加入鯷魚煎至溶化帶出鹹香味，放入意粉不斷兜勻吸收蒜油及鯷魚味道 3. 再拌入適量蟹膏醬，調至中細火，不斷一邊煎香一邊拌勻至意粉均勻沾上蟹膏醬，上碟灑上香草碎完成
閱讀完整內容

屯門平價食材攻略

-
圖片
屯門平價食材攻略 話說作為屯門人，點都要介紹一下我經常會去入貨既地方，做下屯門大使先，今次只講置樂區，咁邊度係置樂呢？ "置樂花園位於屯門市中心東南面；附近一帶包括利寶商場和麗寶商場等商場和地面商店是屯門區主要購物區之一，區內居民多以「置樂」統稱之。(by wiki)" 今次先講其中三間推介先，我介紹得一定係又平又有用既小店 1. 錦記糧油食品 我每星期都幾乎會去一次，貼近批發價既零售店，很多少見既食材調味料都有，有好平既散裝，亦有餐廳用既大包裝，今次我買左墨魚汁意大利粉，牛腩滷水香料，仲第一次買散裝白米($10斤，買完先記得屋企係無飯煲), 依度仲有超多香料，咩都齊，而且好多已經磨成粉好方便用(例如香茅粉), 飲品餅乾等都超平，最抵買係忌廉，平過超市多多聲，我不常整西式糕點就係因為超市既忌廉太貴了，要整就一定嚟依度買，如果有揸車既朋友值得隔一兩個月就入嚟掃貨的，除了置樂其他地方都有分店，大家睇返相入面就有地址我唔打出嚟了 2. 耳濡木耳 超級多健康既養生乾貨食材，我經常會係度買牛肝菌，比元朗買更平，種類亦更齊全，我今次無幫襯唔好意思影人地舖頭相，有興趣自己入佢地Facebook專頁睇，睇完大家都應該好想入嚟屯門入貨 屯門青河坊2號麗寶商場31號舖 Facebook 專頁： https://www.facebook.com/wildfungi / 3. 粉仔檔 入得嚟置樂，就一定要食屯門無人不曉的粉仔店，1986年開業至今，我小學食到依家，好食過曬嗰d咩油渣麵同狗仔粉，我自己屋企煮都係以佢地既味道做標準，但老實講我小時候更好食，可能已經轉嗰幾次手都唔定，依家最主要係嗰麵唔夠熱，但經常行過都忍唔住會食，另外佢地d粉果，腸粉，鳳爪等都不錯 屯門青河坊2號麗寶商場地下１號舖 Facebook專頁： https://www.facebook.com/sinpofoodshop / 大夫小廚版粉仔食譜： https://www.facebook.com/daifukitchen/posts/126238991436564
閱讀完整內容

食譜 - 客家鹹雞 (大夫小廚)

-
圖片
鹹雞有人用先醃後煮，亦有人用先煮後醃既方法，今次我用後者方法方便隨時可以食，先食半隻鹹雞，另一半留起下次煮鹹雞粥。鹹雞用鹽帶起雞味，尤其適合無咩雞味既冰鮮雞，我依隻係超市三十零蚊嗰d平價細雞，煮完拍得住酒樓水準 材料： 雞一隻 粗鹽 花椒 八角 沙薑粉(可省略) 做法： 1. 先將粗鹽，混入適量花椒，八角及沙薑粉，用細火慢慢炒乾鹽既水份及帶出香料香味，畢起備用。雞隻清洗乾淨 2. 浸雞方法，煲滾一大煲水，拿住雞頭放雞入水中，浸10秒左右待滾水流進雞腔後拿起雞隻流出滾水，重覆三次令雞腔內温度與外一致，細火不用加蓋浸約35分鐘，浸雞時間視乎雞隻大少，其間要再次拿起雞隻三次保持雞腔足夠受熱 3. 浸熟雞後瀝乾水，用廚房紙印乾雞隻內外水份，趁熱於整隻雞內外均勻塗上炒香左既粗鹽，醃至少兩小時，進食前用熟水沖走所有粗鹽後便可斬雞享用 P.S: 粗鹽一般都比較濕，我會一次過炒乾一整包粗鹽(約600g) 後用瓶儲起方便下次用。另外如果食唔晒留起既雞，建議不用斬但都用熟水沖走所有粗鹽印乾水後才放雪櫃，否則過夜後會太鹹
閱讀完整內容