大夫小叫

電影奧本海默好難用簡單評價嚟評論成部作品，但卻可以用一些觀後感想及心得嚟幫未睇既人調整進場前既心態。基本上Nolan 既奧本海默係一部人物傳記電影，除了少量意識流手法拍攝奧本海默既心理狀態，基本上都係屬於寫實形既電影，而且文戲佔左98%既時間，說實話真係無咩必要一定要睇IMAX版本，可能睇菲林版本更有意思。 雖說係文戲主導，但節奏依然緊湊，戲味好濃持續3小時都充滿張力，沒有一個鏡頭係多餘的。一開始已不停穿插係兩場類似聽証會中不斷唇槍舌劍既戲碼，再穿插由奥本海默年青時代直至晚年既經歷，對我嚟講最難消化只係外國人既譯名不易記入腦，好多人物關係好難睇一次就完全了解清楚，因為你不容易記得那些名字是否對應緊你心入面諗緊既角色，反而路蘭跳躍式既時空及場景轉換其實不難跟，劇情亦很直白咁讓觀眾了解到奧本海默所面對既難處及挑戰，尤其當劇情進入曼哈頓計劃時就大致都好易咁理順到不同角色既立場同功能，亦係劇力最濃最集中既時間，建議未睇既人可以維基一下曼哈頓計畫了解當時既時代背景，會更易跟上電影既劇情推進，反而不必維基太多奧本海默既資料，留返空間比電影去展演依位傳奇人物既故事會更有新鮮感。 演員方面，Cillian Murphy 不用說絕對係影帝級演出，完全飾演出一個曠世奇材應有既說明力同演繹到角色複雜既心理狀態，另外Robert Downey 同Matt Damon 既演出都好有說服力，甚至令我一度懷疑係咪佢地嚟，因為我事前無留意仲有邊嗰大牌演員有份演，所以都係睇睇下先留意到應該係佢地嚟，化妝造型同演技都令人好入戲，尤其Robert Downey 嗰老妝好自然，佢今次係奧本海默既演出令我好驚豔，相信任何一個電影獎項評選中Robert Downey 都一定係最佳男配角既大熱 整體嚟講三個小時長度係有必要，但依套絕對唔係popcorn 電影嚟(我真係見到有情侶攞住一大兜爆谷入場) ，嚴肅型戲迷應該會好投入同收晒貨，但依套相信唔會係票房大賣既電影，甚至可能會有好兩極既迴響，但Nolan 迷應該會收貨的。可以睇到一班集結歷史上最聰明既人，去面對及應付咁高層次同咁龐大規模既Project，國家級既國力對壘同最現實既政治博弈，危機四伏既政治處境，絕對係眼界大開，尤其那種政治權力操控底下全無公正可言既偽審訊過程，嗰種無力感同隻手遮天，依家既時勢大家點會唔感同身受，牽涉到政治，權力同利益，咩時代咩國家都係

非常喜愛既美國樂隊Best Coast 女主音兼結他手Bethany Cosentino 出Solo了，當年Best Coast 2010年既Debut 大碟"Crazy For You" 超級驚豔，音樂基因集Indie Rock, Noise Pop, Surf, Garage Punk 加甜美女主音，最重要係嗰浸Lo-Fi 味極中我口味，一曲When I'm with You 百聽不厭，連我自己樂隊出Show 打頭陣既歌都必玩依首歌，又有幸係香港睇過佢地既Live，係其中一隊好影響我既樂隊。 Bethany Cosentino 首支單曲"It's Fine"擺脱了過往既樂隊味，MV 開首Bethany 既尖叫同歌名"It's Fine" 都有種終於解脫重新走入人生另一階段既感覺，曲風簡單直接旋律不俗，作係Solo 頭炮雖不算太驚喜，但亦不失為一首耐聽既優秀流行曲，感覺亦更趨知性成熟，期待嚟緊Bethany Cosentino 已完成既個人新碟Natural Disaster 會繼續有更多令人驚喜既作品 Bethany Cosentino "It's Fine" Best Coast "When I'm With You" Beat Coast "Boy Friend" Best Coast "Crazy For You" Best Coast "Feeling OK" #噪音公社 #大夫小叫

之前曾到訪過黃埔既江戶壽司秀，奈何當時Omakase 已full 只可坐房散叫Menu 既款式，但隨便叫質素已非常不錯。今次店主邀請左業街非常有名既劉晉維師傅坐陣，當然就要馬上嚟試一試先。 青檸柚子伴鮫鰈魚 - 一向喜愛清新得嚟味道又唔霸道既白身魚，灑上青檸汁及岩鹽後再配上橄欖油，最後加上即磨柚子皮同小菊，配搭特別而簡單精緻 酸醋啫喱三文魚籽伴米崎蠔 - 非常大隻飽滿既岩手縣米崎蠔，配上酸醋啫喱同三文魚籽一起放入口，鮮味培增 野生鰤魚刺身 - 油甘魚類既刺身一向係我至愛，肥美既鰤魚先經過師傅既按摩，令油脂軟化，令入口油脂香更强烈 黑松露醬伴角螺 - 巨型鮮活角螺拍打收縮後口感勁爽，配上黑松露醬一點都無蓋過角螺味道，反而提升左本身清淡既角螺味道 炸京蔥絲鯖魚 - 配上醬汁既鯖魚味道濃郁，炸過既京蔥係神來之筆，聞到聞到嗰陣强烈而特別既香味，配合一起食層次感極豐富，依種配搭適合不同食材，值得參考 蘋果木煙薰火灸赤鯥 - 赤鯥被稱為白身魚中既拖羅而且身價高昂，灸燒魚皮釋出皮下油脂後，入口肥美油香澎湃，加上蘋果木既煙燻香味，提升左味道既層次 秘製醬汁配酒蒸蝦夷鮑魚 - 鮑魚美味之餘，最出色係嗰肝醬，幼滑creamy，非常配合嗰醋飯，最精彩既一款食物 火灸左口魚裙邊壽司 - 醬漬過既左口魚裙邊灸燒完極香甜入口即溶，配合京蔥，醋飯同紫菜，食多10件都無問題 劉晉維師傅縱橫業界30多年，足跡遍及香港、東京、悉尼、意大利及三藩市，閱歷豐富而且幽默建談，因為工作上我都經常接觸日本海產，正好可以請教不同食材既處理方法及心得，劉師傅都願意傾囊相授，食物優秀之餘又都食得開心，而且店舖離黃埔站出口步行只需1分鐘非常方便而且環境舒適優雅，想食高質日本海產絕對可以一試

前排忙於處理演唱會製作期間，唔小心遺失咗藍牙耳機，做嘢時處處唔方便，忙完後一直都考慮緊買番邊個品牌好，話曬上一對耳機都用左超過3年，係我第一次買TWS 真無線耳機，大牌子來講，雖然音質都不錯，但睇Youtube 時有輕微delay，聲畫唔同步。而且經常都怕耳塞會甩，不時要調整耳機位置，初時都心慌慌唔安心，老實講一直對藍牙耳機無太大信心。今次剛好收到丹麥大牌子Jabra 新出既入門級TWS 耳機，又係ANC 主動降噪，正好可以用嚟測試一下最新入門級耳機可以去到咩程度既質素。 個人嚟講，耳機最主要係用嚟聽音樂，音質係我最重視既一環。只要音質好，其他功能都係Bonus。試機我一般都會用最常聽、最熟悉既歌嚟試，最常聆聽既都係Indie Rock 類充滿大量失真結他同誇張Delay/Reverb 聲效既音樂如Smashing Pumpkins 或Mogwai 等等，Headphone 表唔表現到嗰層力度同層次感對我好緊要。 先講用後感，音質基本上已無可挑剔，大量不同聲效樂器同時出現都無混濁感同flat 咗既感覺，完全表現到歌曲本身應有既層次感同力量感，底音部份亦恰當好處(好怕一味死重bass 既耳機) ，夠力之餘亦聽到detail 位，甚至聽到一d我平時都無留意既Bass 彈奏細節，而且配合app 可以調整Headphone 既EQ，可以tune 到我覺得最理想既狀態，行藍牙5.2 睇Youtube 時亦没有聲畫不同步嘅delay 感覺。 音質過晒關，就講功能部份，基本上要有既功能佢都有齊。例如行ANC 主動降噪，將耳機外既環境雜音消除，而且仲有非常有用既通透模式，係暫停播放音樂狀態下，只需輕按左邊耳機就能開啟通透模式，能夠喺不需除低耳機狀態下聽到街外既聲音非常方便。另外，仲有一種我稱之為半通透模式，當聆聽音樂時按下左邊耳機，就能聆聽音樂之餘同時都可以一定程度聽到外間既聲音，依個功能係運動時會非常有用，能令使用者對外界發生既事物或聲音有所反應。另外，藍牙多點技術可以同時連接多個Device，例如我平時會有一部公司電話同一部私人電話跟身，我用私人電話聽緊歌時，公司電話有Call 打入就會馬上自動切換至公司電話，完結通話後就自己轉返去私人電話繼續播放音樂達致無縫切換，只需一個Headphone 就可以處理晒兩個電話，而且開啟ANC 功能情況下耳機使用時間可以keep 到一日

為了提早慶祝情人節，今次選擇了依間全世界都非常有名既經典扒房。尖沙咀分店位於尖沙咀中心1樓，店內古典紅木風格裝潢非常優雅，燈光略為柔和既環境，配合中午窗外既自然陽光，有一種舊式既浪漫氣氛。我地今次不選套餐，直接散叫了幾款都係佢地既招牌菜，應該都係一般新客嚟到會選既熱門款式 當日有兩款既餐湯，Loster Bisque 味道層次豐富非常美味，反而Corn Crab Chower 有點太厚身，而且個人不太喜歡粟米味太搶味，但味道依然係出色的 Crab Cakes 又係每枱客枱面都幾乎會見到既一款前菜，一份2件，會體貼咁分開兩碟咁上俾你，蟹肉味好鮮甜又軟滑，建議不用加檸檬汁，個人覺得檸檬會掩蓋了蟹肉既鮮味，必點推介 Ruth's Chop Salad 面層係炸洋蔥，混入了適量醬汁既沙律菜，中間食到有藍芝士，煙肉，蛋，橄欖等材料，但整體味道調得好融和，無話邊一樣材料味道太搶 主角美國USDA Prime Ribeye 16安士，熟度Medium Rare 剛好，牛肉味極濃連肥膏都好食，而且肉質亦夠淋，相信應該係無急凍過既冰鮮牛先有既質感，而且侍應會另放一隻已淋上牛油同調味料既極熱燙手空碟俾你，切完牛扒放在自己空碟上沾上調味，依種食法我都係第一次，個人幾鐘意依種做法，進食時牛扒又保持到熱度，但要留意放上空碟後要盡快食避免被碟同油既熱力overcook左 Creamed Spinach 其實係好食的，但因為食扒食到一半時已經覺得有點飽，所以依款超多Cream既菠菜已經食唔到幾多，兩個人食既話下次可以cut左依款 整體嚟講，環境，服務同食物質素都配得起依度既價錢，而且食過一次知道份量後，下次就可以更精準叫到適合既款式避免浪費食材同金錢，非常滿足既一餐

早前係大名鼎鼎既名廚鄭錦富先生全新高級粵菜廳「廚魔名人坊」品嘗過富哥既招牌蘿蔔糕同臘味芋頭糕，一試驚為天人，味道念念不忘，得知今年富哥首次聯乘飲食品牌「天月庭」推出招牌賀年糕點零售裝，馬上各買一款返屋企同家人分享，順便試下自己煎糕既手勢同米芝蓮餐廳比係如何。 先介紹一下富哥背景資料，富哥出身於香港遠東交易所私人俱樂部，因廚藝出眾被香江紡織業大亨林百欣延攬為家廚，在林家私人招待所掌廚廿餘年。富哥後來創辦了「名人坊」並連續十二年報捷米芝蓮榜，人稱隱世廚神。2022年富哥跟三星米芝蓮名廚「廚魔」Alvin Leung 合作係中環開設新派與懷舊兼備既高級粵菜廳「廚魔名人坊」。 今次富哥同主打四季產品既品牌「天月庭」合作，推出富哥招牌賀年糕點，一試之下，發覺味道跟我係廚魔名人坊食既並無二致，保持到一樣質素 先介紹富哥招牌蘿蔔糕先，精選新鮮及優質白蘿蔔份外清甜，而且不同坊間一般做蘿蔔糕時只用清水及蘿蔔水做法，富哥係以老雞、瘦肉、金華火腿等材料所熬製上湯精華去做蘿蔔糕，味道更有層次，蝦米事先打碎令口感更好，臘味香已融入糕身中，加上落足料極少粉，口感軟糯，咬開蘿蔔時見到一絲絲蘿蔔絲，整體水準跟一般坊間蘿蔔糕係兩個世界完全不同層次。 富哥臘味芋頭糕，採用新鮮且口味濃郁的芋頭，只取中心粉嫩中心部份，大量芋頭粒切至合適大小，每一口都充滿粉嫩芋頭跟糕身融為一體，同樣口感軟糯，坊間其他牌子芋頭粒經常大大粒又硬又生又乾，食兩塊已又滯又難消化，大家可參考富哥芋頭糕既側面圖片，睇都睇得出芋頭糕既粉嫩同芋頭入口融化既感覺，平時唔食芋頭糕既試完應該會完全改觀，而且調味得宜不會過鹹，水準極高。 大夫煎糕技巧分享 想煎蘿蔔糕煎得靚同唔易散，最安全做法係用易潔鑊，鑊一定要夠熱及不需要太多油，煎之前調至中火，放入糕件後間唔中搖動煎pan避免糕件黐底，一面煎至帶焦香後翻至另一面，同樣煎至焦香便可，起鑊時可先調至最細火但不要熄火，否則油份有機會回至糕身導至吸油過多。 分享一下之前廚魔名人坊現場食既蘿蔔糕同芋頭糕相片，我煎既版本都睇落都唔算太差見得下人。 網上購買連結： https://www.deardeli.com/collections/tianyueting-and-celebrity-cuisine-new-years-cakes

朋友介紹有間係紅磡既Omakase 水準不錯價錢亦唔算貴，當約好晒朋友落Book時Omakase卻已Full了，但有房可以俾我散叫Menu 上既款式，難得已約晒朋友最後決定照去。店鋪裝修及環境都令人感覺舒適，有房既好處係更有私隱度及更方便傾偈，睇完Menu 後就隨意點左不少款式。 特上刺身拼盤，款式多，刺身非常新鮮，金目鯛超厚肉，油甘魚，大拖羅，赤身同牡丹蝦都非常有質素，鮮北寄貝極鮮甜，整體水準上乘一開始就留了個好印像。另外我地叫左支伯樂星純米吟醸，食刺身配清酒享受不同組合既Food Pairing係食刺身料理最好玩既地方，而且清酒配埋冷酒器咁上枱，感覺更高級 壽司盛盒，一如刺身質素，刺身類壽司質素同樣高，干飄腐皮壽司好少見，味道不錯，自家燒玉子蛋味香濃，海鰻壽司同甜蝦壽司都好好食 清酒煮蜆，調味得宜，蜆肉亦夠大隻，個人感覺烹飪時間可稍為縮短，偏熟了一點，但味道不錯 炸蠔紫菜卷，同行友人最喜歡款式之一，類似天婦羅式製法包埋紫菜一起炸，蠔味濃又重紫菜香，值得推介 蛋黄漬海鮮太卷，非常吸精同適合打卡既款式，挺身圓圓既蛋黄漬好可愛，配埋三文魚籽漬同吞拿魚蓉，點會唔好食，黏口既蛋黄漬食完黏住條脷，after taste 勁長，馬上飲一口清酒，餘韻更長 海鮮掛雪，拉開膠片後滿滿既鮮淮山蓉瀑布咁淋上充滿吞拿魚蓉既壽司飯，清新好味既一款食物，視覺效果滿分 最後叫埋柚子雪糕，柚子味好自然加上混入了柚子皮碎，又香又好味 江戶壽司秀 紅磡民泰街53-73及73A-C號地下E舖